Postoje utakmice kada rezultat nije ono najvažnije na semaforu.Drugog maja, protiv Kosova, tri imena će posljednji put istrčati na teren u dresu Crne Gore. Kapiten Boris Mijušković, Luka Grgić i Milan Martinović.

Iza njih su godine posvećenosti, borbe, liderstva i tihih odricanja. Nisu samo igrali ragbi, gradili su ga, nosili na svojim leđima i bili tu kada je bilo najpotrebnije. Svaki trening, svaki start i svaki minut na terenu ostavili su trag koji se ne mjeri statistikom.Crnogorski ragbi će nastaviti da raste, ali teren više neće biti isti bez njih.

Ova utakmica je više od još jedne na rasporedu. Ovo je trenutak da kažemo hvala - za sve ono što se ne vidi, a ostaje zauvijek u temeljima našeg sporta.Još jednom: ZA CRNU GORU!